“勿要瞎兜八兜了，到新浪吃夜饭去。”交关宁的2多边头响起了格句闲话，辰光是昨日夜里厢七点钟快。刚刚，b_q帮浪得虚名一道勒海楼下头格美的超市买了一眼瓜子特子两包洋山芋片。当伊拉啃子啃子跑回来格辰光，一经有宁来了。是两个女小宁，一个叫绿耳环，另外一个叫禁忌的女人。英俊格JAFEE已经陪伊拉讲了一眼辰光了。绿耳环因为等一歇有事体要先走，所以来得比较早，当浪得虚名对伊拿起照相机格辰光，伊还有眼难为情，所以伊用一张黄颜色格纸头帮一本介绍新浪格书遮牢伊格面孔，害得后头来格宁裁呒没看过伊清爽格照片。禁忌的女人叫格个名字是因为伊部蛮好看格法国电影就叫格个名字。
大家嘴巴干了，b_q特浪得虚名再发觉水有，杯子倒用光了。伊拉戆海海格兜了一圈回来格辰光，发觉房间里厢又多出来了两格宁，伊拉想完结了，又要猜错特了。还好还好，其中一个老COOL老COOL格男小人自动介绍自介叫老星星ANOLDSTAR。后头来大家再晓得，ANOLDSTAR=AN OLD STAR。有一眼宁心里厢想：勿好意思呀，开头想到其他地方去了。(还当子是伊~个“XING”来！)另外一个小姑娘就是莫安静了。莫安静其实倒是蛮安静，总归甜眯眯格笑勒海。又过了一歇，喜马laya特艾怜来了。浪得想laya好像呒没想象格介高嘛，喜马大概勒海想浪得看上去倒是有一眼象SNOOPY？(当然，格个是我瞎猜八猜格，我又不是伊肚皮里格胃虫，侬讲对伐？)艾怜长了蛮象林忆莲格，就是差不多格气质。又过了一歇，一个老漂亮格小姑娘来了，伊就是tingzi。老早看过伊格文章，晓得伊蛮漂亮格，所以有眼心理准备呒没昏倒。伊讲起了皮夹子被偷脱格事体，还拿格桩事体帮浪得前两天介绍格hell.com联系了一道，浪得想，格种想法好象勿是老辩证WEAVE主义哎，下趟有机会要加强加强思想教育！！最后，紫罗九雷和伊格朋友一道来了。紫罗梳了一只老可爱的小辫子，戴了一付蛮CUTE格眼镜，我一看到伊就想笑，哈哈哈哈哈。A-MEI MEI文静格，勒边浪厢乖乖小囡。
还差一个小熊PooH格辰光，大家裁饿刹特来。因为小熊PooH开头请过假要迟到一歇歇，所以大家鞋勿怪伊。大家乘电梯到了楼浪厢格餐厅。透过玻璃窗，可以看过楼下头格南北高架特子人民广场，夜里厢倒是蛮漂亮格。b_q点了菜，后头伊讲可能点了特多了，其实倒也不是，是大家忙了七嘴八搭讲闲话，小菜就吃得比较少了一点。最后小熊倒是蛮快就来了，伊格眼睛老大格。浪得想想自介眼睛那能介小呢？？？刚刚要想勿通格辰光，还好菜上了。大家第一趟碰着，互相问问做啥事体AH~，鞋里答毕业格啊，欢喜眼啥物事啊.......四个男小人，还拿自介格份量加了加，哈哈，超过了五百斤。
吃好了夜饭，大家又到下头去坐了一歇，看到绿耳环手脚倒真快哎，已经写了一段文章贴上来了。紫罗寻着了一台LAPTOP，就开始回贴子了。浪得就乐旁边拍了伊几张特写。哈哈。想想，勿好意思，第一趟看到大家就肆无忌惮格烂拍了一大堆照片，不敬之处(国语念，以显正式：)大家多多原谅。辰光爱了，大家裁慢慢交一点一点跑脱了，最后，网络小姐钟慧鞋赶过来白相了一歇。
好了，要讲格差不多讲光了，相信下一趟大家还可以乐海一道吃吃白相相。哦，勿好格能讲，应该讲，交流沟通共游网上新世界，哈哈。
(^%^$%#()**,上海话？我识听呒识讲YEAH~~nei--gang--mei??)
新浪上海站网友照片（一)
新浪上海站网友照片（二)
新浪上海站网友照片（三)
新浪上海站网友照片（四)
| 
